WILLEMSTAD.- “Curaçao Beauty Pageant Committee” kual ta un organisashon di beyesa ta bai duna inisio na su programa “Miss Curaçao Beauty Pageant 2018”.
E sertámen aki “Miss Curaçao Beauty Pageant 2018” lo sirbi pa eligí representantenan di Kòrsou pa diferente sertámen di beyesa internashonal manera entre otro “Miss World” “Miss Intercontinental” “Miss Earth” i “Miss Supranational”.
Orguyosamente “Curaçao Beauty Pageant Committee” ta anunsiá ku inskripshon ta habrí pa tur hóben soltero di nashonalidat ulandes entre 18 pa 26 aña di edat, ku no solamente ta poseé di un beyesa físiko, pero tambe ku tin e deseo di ehersé e trabou di por fungi komo Kòrsou su embahadora di beyesa i promové e kultura Kurasoleño.
Na kaminda pa e kulminashon di e sertámen di “Miss Curaçao Beauty Pageant 2018” kual ta 8 di sèptèmber 2018, lo bai tin tres kompetensia pa e título di Miss Turismo, Miss Elegansia i Miss Playa.
Esaki ta un oportunidat úniko pa eksperensiá i alabes sera konosí ku e mundu di beyesa internashonal.
Hóbennan ku a yega di partisipá na un òf otro sertámen lokal ó internashonal tambe ta bon biní.
Si bo soño ta pa representá nos dushi isla Kòrsou den un sertámen di beyesa di renombre Mundial, inskribí awor! Inskripshon ta sera 23 di yüli próksimo. Pa inskripshon i mas informashon por tuma kontakto ku señora Ayshel Maria telefòn 526-8180 i señora Mariela Huerta telefòn 526-0954 ó mail curacaobeautypageantcommittee@gmail.com