WILLEMSTAD.- Djasabra 1e desèmber 2018, Sentro di Bario Montaña manera ta tur aña di nobo, tei selebrá Fiesta di Sanikolas ku nos muchanan di bario di Montaña i bisindario. Inskripshon a habri pa e Fiesta di Sanikolas. Kòrda aña pasá hopi mucha a keda afó.  E biaha aki den un toke diferente. Si boso ta kòrda kon bon tabata aña pasa boso no por keda afó. Mucha di 0 te ku 10 aña por partisipá ku pago di kontribushon tur kos inkluí. Saku di mangel, snèk, refresko i un regalito chikitu pa tur mucha.
Kòrda kantidat ta limitá. Lo bai tin 15 lider pa guiá e muchanan riba e dia dushi. Lo bai tin un show tur afó. E fiesta aki lo ta yena ku animashon di Sanikolas i su pietnan, show i hopi sorpresa mas. E fiesta grandi aki lo ta di 3.30’or  pa  6.30’or na Sentro di Bario Montaña, Stakamahachiweg z/n.
Pasa tuma bo formulario di partisipashon na SB Montaña. Kòrda inskribí tempran pa bo no keda afó, último dia pa inskribí i paga ta 16 novèmber 2018. Kòrda aña pasá hopi a keda afó. Un boka bisa otro. Di e forma aki Sentro di Bario Montaña ke hasi nos muchanan di bario felis riba e dia grandi aki.
Si tin kualke informashon, pregunta tuma kontakto ku Sentro di Bario Montaña 767-1600 parti mainta 9 or pa 12 or  òf  atardi 2 or pa  8 or, na telefòn  687-4209 i por mail nos na sbmontana2014@gmail.com.