WILLEMSTAD.- Ya trabounan a kuminsá pa Karnaval Hubenil i Marcha di Seú 2019.
Pa Karnaval Hubenil 2019, Grupo Sweet Party Kids a habri nan inskripshon pa nos muchanan. Grupo Sweet Party Kids a bai ku e premio Grupo di Aña Hubenil 2018. Kòrda ku no ta bai ku un grupo grandi pues abo ku kier pa bo yu ta parti di e grupo yen ambiente aki hasi bo inskripshon na tempu.
Pa e grupo di Seú “E Rais di Sablika” tambe inskripshon a habri pa Marcha di Seú 2019, ku otro aña lo selebrá 45 aña di nos Marcha di Kosecha. E aña aki tambe “E Rais di Sablika” a bai ku dos premio, pa kual nan ta sumamente agradesido. Aki tambe mester inskribí na tempu, debí ku lo no bai ku un grupo grandi.
Tur dos e gruponan aki lo wòrdu kompaña pa Grupo “Rítmiko Sablika”, ku ta konosí pa buta tremendo ambiente den kaya ora ku nan pasa.
Pa inskripshon i informashon den un di e dos gruponan aki por tuma kontakto ku sra. Sonalie Rollins na number di telefòn 515-6358.