WILLEMSTAD.- Djadumingu dia 14 di yanüari próksimo, AMAK huntu ku Su Branding Partnernan, ta bai duna oportunidat ta nos tumberonan pa inskribí den un ambiente diferente.
E aña aki, pa promé biaha e ambiente rondó di inskripshon ta konsistí di hopi informashon i sorpresa di parti di Branding Partnernan i di nos radio Emisoranan i nos plantanan di televishon presente.
Durante inskripshon ku ta kuminsá di 2’or pa 6’or, p.e. Curoil ya a anunsiá ku lo tin un sukulento grill pa TUR kantante ku inskribí nan tumba. Na momentu ku nan kaba di inskribí esaki, nan lo risibí un voucher, kaminda nan lo mester bai na e stent di Curoil den Festival Center i asina  ei tuma su grill.
Ta bon pa menshoná ku  PSB Bank lo ofresé karchi na  preis spesial riba e dia aki, miéntras Licores Maduro tambe lo tin un anunsio tremendo di un gimmick. KFC lo lansa su Kara Kara Spesial pa  esnan ku ta den CFC, miéntras ku Gobièrnu di Kòrsou lo tin un tènt di informashon. Tur Branding Branding  entre tambe Refineria Isla i CTB tambe lo ta presente ku material balioso di informashon.
Durante di e konferensia entre 3’or pa 4’or tur esnan presente den Curaçao Festival Center i esnan na kas, lo duna detaye di aspektonan di Festival di Tumba manera Seguridat, Parkeo, Zonido, Produkshon i Bar di  The Trader.
AMAK ta rekordá tur amante di tumba ku TDS tin e paketenan pa tur anochi ku ta keda transmití sin komersial na rason di  150 florin. TeleCuraçao i TV Direct lo transmití solamente e anochi final ku ta djabièrnè dia 26 di yanüari 2018.