WILLEMSTAD.- Fundashon Kultural  Seú Kòrsou huntu ku Komishon Kantadó Mayó  ke hasi un invitashon na tur Gruponan Rítmiko i tambe partisipantenan di Kantadó Mayó pa Inskripshon Kantadó Mayo 2019, djadumingu awó, 10 di mart 2019.
Inskripshon ta tuma lugá na St. Willibrod College na Otrobanda, dilanti di Misa Santa Famia. Inskripshon ta tuma lugá entre 2’or di mèrdia pa 6’or di atardi.
Edat mínimo pa inskribí ta 16 aña. Tur partisipante mester tin un identifikashon bálido.
Pa inskribí bo mester tin: Título di komposishon, nòmber di kompositor i areglista i ku agrupashon ta partisipá.
Kontribushon na momentu di inskripshon ta 50 florin.
Despues di 6’or di atardi lo no tin oportunidat pa inskribí mas.
Fiesta di Seú ta selebrá su di 45 aniversario i FKSK ta spera ku e Festival di Kantadó Mayo e aña aki lo bira un eksitoso.
Fundashon Kultural Seú Kòrsou for di awor ta deseá tur partisipante na Kantadó Mayó 2019 tur klase di éksito.