WILLEMSTAD.- Ayera nochi un tim enkargá ku instalashon di dranghek riba ruta di Karnaval a kuminsá hasi e trabou na Plasa Hariri. Bou di guia di Kuerpo Polisial e grupo a pone dranghek pa dje forma ei garantisá seguridat tantu pa e partisipantenan den e diferente gruponan di Karnaval i e públiko kantu di kaya. Debí na Marcha Hubenil ku ta tuma lugá djadumingu awor a instalá e hèkinan pa e ruta hubenil. Pa otro siman ta e intenshon ku lo instalá dranghek for di Cubaweg pa Plasa Hariri.
Durante dje instalashon fotógrafo di EXTRA a topa un grupo hungando dominó na Sta. Helena i nos a logra di kapta nèt ta momentu e promé sapatu pa e edishon 50 di Karnaval a kai kantu di ruta. Riba potrètnan algun momentu durante di instalashon di e hèkinan.