WILLEMSTAD.- Durante henter e siman ku ta tras di lomba International School of Curaçao a dediká atenshon na selebrashon di Siman di Kultura ku su studiantenan.
‘Kuentanan di Nanzi’ konta bou di palu; Sr. Martin den Dulk a bishita ISC pa konta e studiantenan kon e bandera di Kòrsou a keda diseñá; Djaweps a toka turno na Sr. Rendel Rosalia a duna un tayer di músika di Kòrsou i su instrumèntnan.
Ayera a klousura e siman ku un ‘Kultura Fair’ kaminda e studiantenan a eksponé e obranan ku nan a traha den e diferente proyektonan ku tabatin relashoná ku e kultura di Kòrsou.
Riba potrètnan nos por apresiá algun momentu durante di ‘Kultura Fair’.