WILLEMSTAD.- Direktiva di AMAK ta invitá tur su miembronan na selebrashon di Dia di Músiko 2017. Manera ta konosí, e aña aki manera ya a bira un tradishon, ta bai tin entrega di Premio Edgar Supriano i tambe Pen di Mérito.
Pa 2017, e Pen di Mérito ta bai pa Sra. Jeanette Croes, Yeyo Calderon i tambe Carroll Senchi.
Premio Edgar Supriano e aña aki a bai pa Chaika, Jaido, Randy Leroy, Lady Su, Ivan Belfor, Gentz, Forsa 2, 509 The Edge, Limania i e piesa: Manera mi no tin otro.
Un invitashon ta bai na miembronan di AMAK pa nan akudí na Selebrashon di Dia di Músiko 2017 mañan djárason, 22 di novèmber 2017, na Perfect Landing ( Hotèl Holland) di 7’or pa 9.:30 pm.
Direktiva di AMAK ta manda un felisitashon na tur músiko di Kòrsou riba “Dia di Músiko 2017”.