WILLEMSTAD.- Fundashon JAG den fin di siman a risibí un invitashon ofisial pa partisipá na selebrashon di Karnaval di Coro, Estado Falcón, Venezuela ku lo tuma lugá riba dianan 27 i 28 di desèmber próksimo na Coro. Pa e okashon aki sr. Pedro Chacon, dje organisashon tabata presente na Kòrsou pa hasi entrega dje invitashon. Riba potrèt por mira sr. Chacon den kompania di sr. Juni Aniceta, sra. Glenda Aniceta i sr. Stanley Ignacio di Fundashon JAG. Alabes sr. Chacon a indiká ku di nan parti nan tin interes pa partisipá den e Gran Marcha di Karnaval 2020 na Kòrsou.