WILLEMSTAD.- E konosido kantante Ishahier Monte pa medio di komunikado ke kompartí su pensamentu pa loke ta Gobièrnu di Kòrsou su aporte na Festival di Tumba.
“Si nos ke yuda pueblo ban kuminsá pensa pa pueblo i den direkshon di pueblo. Mi ta lo konsehá gobièrnu si en bèrdat gobièrnu ke yuda kontribuí na Festival di Tumba mi ta kere lo ta un bon idea pa tuma over e gastunan di músikonan i bandanan ku ta partisipá na e festival i asina bo ta kontribuí ku tur músiko i stimulá pa mas hende partisipá i bandanan partisipá i tambe bo sa ku gobièrnu su kontribushon a bai pa yuda e pueblo i stimulá mas hóben i partisipashon (transparensia).
E ta sigur un pensamentu pa si gobièrnu ke kontribuí atrobe ku Festival di Tumba pensa esaki pa tumba 50 e lo yuda sigur. Kantante i músikonan sigur lo haña un alivio i lo ta kontentu ku e gesto aki. I si montante ta sobra kubriendo tur e gastunan di músiko loke sobra por bai pa AMAK òf un premio ku gobièrnu ta duna e kantante i bandanan ku gana i òf partisipá. Ban pensa i aktua diferente i ta mas kreativo i kos lo ta mihó sigur”.