WILLEMSTAD – Den un wega pa determiná kua selekshon ta keda invikto  i kaba na promé lugá den Grupo A den promé buèlta di World Baseball Classic, Israel, e sorpresa di torneo, a logra un viktoria di 4-2 riba e selekshon di Reino. E picher di Ulanda, Rob Cordemans

tabatin difikultat pas saka out den prome ining i Israel a manda nuebe bateador plato  den e ining i tuma un bentaha di 3-0 ku tabata mas ku sufisiente pa determiná e resultado final. Ámbos selekshon ya a klasifiká pa e di dos buèlta di WBC ku awor ta pasa pa Hapon.  Mester determiná e dos ekiponan di Grupo B ku lo pasa tambe pa e próksimo buèlta aki pero ku tur probabilidat lo ta Hapon i Cuba. Di e di dos buèlta tambe e dos mihó ekiponan lo pasa pa e buèlta final na       Los Angeles. Apesar di e derota, e ánimo ta haltu den e selekshon di Reino ku awe ainda tin un seshon di praktiká promé ku nan biaha pa hunga den Tokyo Dome djadumingu awor na Hapon.