ISRAEL, AP.- Un barera supteraneo enorme ta keda konstruí na e frontera ki Gaza esaki komo defensa kontra e tùnelnan di Hamas. E muraya lo ta kla denter di poko asina un funshonario haltu israelí a bisa i a splika ku esaki ta nifiká un sla duru pa e grupo islamita.
E ofisial di komando sùit a bisa ku e struktura ta e elemento prinsipal di un esfuerso nobo pa priva Hamas di un di su armanan mas poderoso.
Durante un guera na 2014 mil isianonan di Hamas a drenta Israel pa medio di un kantidat di tùnel, ounke nan no a logra yega e zonanan habitá. Israel a destruí 32 tùnel den e konflikto ei i for di e dia ei a duna prioridat na neutralisá di e menasa supteraneo.
E funshonario a papia sin menshoná su nòmber, i a bisa ku Hamas ta trata di restourá su rekursonan militar i prinsipalmente konstruí un kantidat di tùnel kaminda nan ta skonde di e atakenan israelí i drenta Israel pa realisá atakenan den un konflikto den futuro.
Algun siman pasá Israel a kuminsá ku e konstrukshon di un barera supteraneo di 60 kilometer i di vários dozein di meter di profundidat. Por a mira gruponan grandi di trahadó ta koba i instalá e infrastruktura.
Durante di un konferensia di prensa ayera e funshonario a mustra video di ekiponan pisa, un seri di pos masha hundu, un tereno inundá pa ehérsito i vários eksploshon kontrolá. Tambe el a mustra tùnelnan simultáneo kaminda sòldánan ta trein pa kombatenan supteraneo.
