MILAN, AP.- Italia a ninga 64 migrante reskatá den laman dilanti di Libia pa drenta e pais djárason. E migrantenan a wòrdu reskatá pa un grupo humanitario aleman.
E grupo humanitario, Sea Eye, a tweet ku e migrantenan reskatá a inkluí 10 muhé, sinku menor di edat i un beibi resien nasí.
El a agregá ku e migrantenan a wòrdu reskatá den laman dilanti di Zuwarah, na wèst di e kapital Tripoli, debí ku no por a drenta den kontakto ku outoridat libio. Sea Eye a pidi Italia i Malta pa risibí e boto di reskate, yamá Alan Kurdi.
Sinembargo, e minister di Interior italiano, Matteo Salvini, konosí pa su postura antiinmigrante, a sigurá ku Italia lo no habri su portanan pa e boto.
“Ta trata di un boto di bandera aleman, di un ONG aleman, ku doño aleman, ku kapitan di Hamburg. El a reskatá e migrantenan na kosta libio i ta pidiendo pa ankra na un haf. Dikon e no ta djis bai Hamburg”, asina Salvini a deklará.
Tantu Italia komo Malta a ninga di risibí mas migrante reskatá den mediteráneo pa gruponan humanitario.
