WILLEMSTD.- Djabièrnè 9 di mart den oranan di mainta Extra Slowpitch a risibí e notisia ku Ivan ‘Pipi’ Jessurun a bai sosegá. Pipi, manera tur hende tabata yam’é, tabata un dje gran dirigentenan di Swift i un hòmber semper kla pa yuda tur hende di su ekipo i di ekiponan kontrali.  Huntu ku Sergio Leon pa hopi aña e tabata forma un ‘one-two’ di e ekipo super kampion di Liga Van Engelen i super kampion di Kopa ABC, Swift.

Pipi tin masha hopi amigu den Sòftbòl Slowpitch, den Beisbòl i den Beisbòl Veterano. Pipi tabata algun dia malu i hopi a kere ku Pipi lo a rekuperá, pero ayera mainta nos amigu a bai sosegá. Kondolensia na famia, amigunan di Swift Sòftbòl i Beisbòl en general. Deporte a pèrdè un gran hòmber.

...Pipi Jessurun (r) huntu ku su gran amigu Sergio Leon di Swift...