WILLEMSTAD.- Un kantidat basta grandi di persona a partisipá na e kampaña di EXTRA ‘Ken ta bira Rei òf Reina di Tumba 2018’. E partisipantenan tabatin masha hopi kombinashon mes ku a keda trahá. E kombinashonnan tabata asina amplio ku un dado momentu bo ta puntra bo mes si di bèrdat ta tur hende tabata faborito pa gana e korona. Un total di 60 persona tabatin e dos kontestanan korekto. For di nan a saka e ganadó ku a resultá Sra. Ivy Coffy. Un pabien na e ganadó. Riba fotonan nos por mira e kupòn ganadó i tambe momentu ku Sra. Lysandra Trinidad i Sr. Michael Craanberg, ámbos miembro di Tim di maneho di redakshon di EXTRA ta saka e premio ganadó.