WILLEMSTAD.- Djaweps atardi e personal di EXTRA a keda sorprendí ku un bishita di sra. Ivy Coffy, ganadó di e kampaña ‘Rei ken ta sali Rei di Tumba 2018’. Ivy a bin despues di praktikamente 1 aña pa bin gradisí pa e tremendo premio ku el a risibí aña pasá na momentu ku el a keda skohé komo e ganadó dje kampaña di Rei di Tumba. Ivy a sorprendé e personal ku un trit i a gradisí pa e tremendo premio ku el a risibí. E famia di Ivy tambe tabata presente i nan tabata masha agradesido. Di parti di EXTRA tantu Luis Curiel komo hefe interino di redakshon, Lysandra Trinidad a gradisí sra. Ivy Coffy pa e tremendo gesto. Riba foto nos por apresiá e premio grandi ku Ivy a risibí aña pasá i tambe momentu ku Ivy ta hasi entrega di rekuerdo i trit na EXTRA.