WILLEMSTAD.- Resientemente Izaline Calister a duna 10 hóben talentoso un ‘masterclass’ na Sentro Kultural Kòrsou na Emmastad.
Organisadó dje ‘masterclass’, Shout Academy ta forma parti di e organisashon di konsiertonan, ‘Shout Productions’.
Anteriormente Trijntje Oosterhuis a yega di duna un masterclass pa ‘Shout Academy’.
‘Organisando masterclass grátis pa nos hóbennan talentoso nos ta spera di por sigui motivá i stimulá e hóbennan pa despues nan por bira e Izaline Calister òf Tania Kross nobo’, asina Menno Kreder di Shout Productions a duna di konosé.
Riba fotonan nos por apresiá e hóbennan ku a partisipá na e masterclass huntu ku Izaline i un dje hóbennan dunando un presentashon durante dje masterclass ku a konta tambe ku partisipashon di e konosido pianista, Dave “Ronchi” Matthew.