WILLEMSTAD.- Djabièrnè 11 di òktober Kòrsou tei eksperensiá, pa promé biaha, un ambiente diferente i dushi den Landhuis Chobolobo (Saliña). ‘E Ben Bén’, ta show, ta fiesta, ta ambiente, ta bailamentu, ta kombersá, ta dalmentu di beter, ta biña, ta kuminda… tur den un!
Den un palabra, un ‘gezelligheid’ kaminda hende nèchi tei topa pa disfrutá di bon músika, ku ko’i kome i bebe den un dushi ambiente.
Riba e djabièrnè, for di 8 or di anochi ‘E Ben Bén’ ta start i lo tin presentashon di Randall Corsen Orchestra. Riba e anochi aki RCO lo kompañá Rei di Tumba Dibo D, ‘Richie Rich’ Pieter, Yumaria Grijt i for di Ulanda, Izaline Calister. Esaki lo bira e último oportunidat e aña’ki pa mira i disfrutá di Izaline ‘on stage’ aki na Kòrsou. Huntu RCO lo tin presentashon tambe di Axel & Friends i DJ Leannon.
Lo tin un ‘food court’ super ‘cozy’ kaminda tur hende por kome, kombersá i sinta un ratu. Meskos lo tin un pista di baila, pasó ta ambiente i bailamentu ta bai tin. E idea ta pa den un ambiente dushi, riba un djabièrnè, habri wikènt ‘gezellig’ i ku músika di kalidat.
Karchinan limitá, ya ta na benta i te ku djamars 24 di sèptèmber por haña karchi ‘Early Bird’ pa solamente 35 florin na Van der Tweel Zeelandia, Mensing’s Caminada i via caribbeanticketsshop.com. Despues entrada lo bira 45 florin. Por yama tambe na 517-2801 pa mas informashon.
Pues tur kos ta kla, pa un ambiente diferente i úniko, riba djabièrnè 11 di òktober awor, ora hopi hende dushi topa i disfrutá den ‘E Ben Bén’.