MERKA.- Ayera e fecha di estreno mundial di e kansion ‘Machika’ a bira konosí.
E superstrea kolombiano, J Balvin a anunsiá, despues ku pa basta un par di siman el a bin ta tenta su fanátikonan, ku dia 19 di yanüari próksimo lo estrená ‘Machika’ un kansion ku ta konta ku e kolaborashon di e artista arubano, Jeon Arvani’.
Su fanátikonan ta selebrando i pa músika antiano i spesialmente esun arubano, e ta un momentu di hubilo pa e echo ku un artista tan popular bou di e públiko abla papiamentu manera Jonathan Thiel, konosí komo ‘Jeon Arvani’ ta kolaborá ku J Balvin.
E kansion aki ta bini despues di ‘Mi Gente’, un éksito grandi pa J Balvin ku a logra yega puesto number 3 di Billboard Hot 100.
For di e ‘teaser’ ku tin riba retnan sosial ya bo ta sinti e sabor dje kansion ku sin tende masha tin tur ingrediente di bira un éksito grandi. Pabien Jeon !.