WILLEMSTAD.- Despues di ‘Speed’ Jaido ta sigui prominente den urban scene.  Algun siman pasá e kantante a lansa un videoclip titulá ‘Dikon?’ kual produkshon a hala hopi atenshon pa su kalidat i konsepto.
Jaido ta figurá den un esena estilo Dubai pa interpretá e piesa kombinashon trap i moomba-samba. E videoclip a generá 104,896 views riba Youtube den su promé 2 simannan i ta wòrdu bon solisitá den programanan urban.
Resientemente ‘Speed’ a alkansá 243, 560 views -den su promé luna.
E track ‘Dikon?’ ta mas un pregunta riba motibu pa tantu envidia i yalusí entre hende. Parti di e letranan ta bisa, ‘Dikon bo’n ke wak mi bon?’. E videoclip  bou di direkshon di Greyan Studios ta mustra un otro nivel di produkshon, na unda ta kreativo i ta produsí videoclip ku konseptonan internashonal, pero na nos mes pais.
Decoded ta pendiente pa algun proyekto interesante próksimamente ku presentashon di artistanan na Ulanda.
Por sigui Jaido riba Instagram i snapchat @jaidorick. Fanátikonan por mira e videoclip riba e Youtube Channel @decodedofficial òf solisitá e track na nan radio preferí. Ademas, por stream riba ITunes, Spotify, Google Play i Apple Music.