MERKA.- Kaylin Jurrjens, kasá di e pelotero profeshonal, yu di Kòrsou, Jair Jurrjens ta forma parti dje elenko di ‘WAGS Atlanta’, un serie di televishon ku ta pasa tur siman na kanal E!.
E eks Miss Georgia USA kende na 2014 a kasa ku e pelotero lokal, Jair Jurrjens huntu ku algun otro dama ta forma parti dje elenko dje serie ku e abreviashon pa WAGS ta nifiká: ‘Wives and Girlfriends of Sport Stars’.
Kada un sea aktualmente òf den pasado tin òf tabatin un relashon ku un deportista profeshonal ta relatá i kombibí di nan bida.
Den e kaso di Kaylin i Jair, den e promé episodio lo bo sera konosí ku e pareha ku na 2014 a kasa i ta biba na Atlanta. Nan kas ta e soño di un atleta segun Kaylin ta splika. E kas ta dje grandi ku e pareha a pèrdè konteo di e kantidat di baño ku e kas tin.
‘WAGS Atlanta’ a keda estrená ayera nochi i por ser mirá riba kanal E!.