WILLEMSTAD. – Despues di a konsultá ku RTL, Jandino ta dal un stap atras pa dje forma ei haña mas oportunidat pa focus riba produkshon di programanan pa entre otro RTL.
‘Nos a papia ku Jandino riba su futuro na RTL. El a pidi pa ta mas liber, esaki pa e por focus riba produkshonnan nobo. Un deseo kreativo manera esaki nos lo apoyá sigur’, asina Werner van Es, direktor di RTL 5 a deklará. ‘Nos ta keda ku un relashon kreativo i ku mira riba e relashon nobo’.
Segun Asporaat, 2017 tabata su aña mas eksitoso i esun mas okupá ku nunka promé. Ku 4 presentashon den Ziggo Dome ku ‘Gabbers’ i e presentashon di ‘Dance Dance Dance’, ‘ Alles mag op zaterdag’, ‘Wie ben ik’ i DINO.
‘Apart di esaki mi a hasi 136 show di teater i a traha tambe riba e di dos edishon di e pelíkula ‘Bon Bini Holland’, asina e presentadó a indiká.
‘Mi a indiká na RTL ku mi ke focus mas riba produkshon i ta mas liber pa loke ta trata mi ròl komo presentadó. Esaki no ta nifiká ku mi ta tuma despedida. Awor mi ta bai traha huntu ku RTL pa produsí kontenido nobo pa televishon den kolaborashon ku mi empresa di produkshon ‘Het Huis van Asporaat’.