WILLEMSTAD.-  Ayera tardi na Blue Bay Jandino Asporaat a tene un konferensia di prensa huntu ku su spònsernan prinsipal kaminda el a duna e último detayenan pa loke ta trata su evento di djasabra awó ku ta hiba di título ‘Keihard’.
‘Keihard’ ta un show ku lo pone bu hari fo’i kuminsamentu te final, durante dje show Jandino den su forma úniko lo konta chiste, kanta i baila.
Pa e show di Jandino ku ta tuma lugá riba Kleine Werf portanan lo habri pa 7’or di anochi i den preshow lo tin presentashon di Gino Coelho, despues dje presentashon di Jandino lo tin un eksploshon musikal ku presentashon di dj Carlito i dj Whoo. Nan lo ta enkargá pa entretené e públiko ku lo tin e oportunidat tambe pa presensiá e pelea di Mayweather i McGregor.
Ainda tin algun karchi disponibel na Mensing’s Caminada, van den Tweel Supermarket, 24 uur uit de muur i Caribbean Tickets online.