WILLEMSTAD.- Resientemente, pa ser eksakto, dia 21 di desèmber último e popular artista Arubano, Janiro Eisden a kontraé matrimonio na Kòrsou ku su namorada, Nicole Pop.
E enlase matrimonial a tuma lugá na Lanthùis Daniel kaminda ku e empresa Celebrations! a pèrkurá pa tantu e kordinashon i tambe dekorashon.
‘DEN E BEMBE’ a komprondé ku Janiro a pèrkurá pa un sorpresa pa su kasa na momentu ku Tony Shearman, Boy Thode i Izaline Calister a presentá pa kanta.
Den un grupo chikí, hopi spesial, kaminda bo por a sinti e vibrashon di amor i legria, e pareha a selebrá huntu ku famia. ‘Bisiña, masha pabien!’. Potrètnan pa kortesia di Brandon i Arnaud Scheper.