WILLEMSTAD.- E oportunidat úniko pa pone riba tarima un variashon amplio di artistanan lokal for di kuminsamentu tabata algu ku kualke bon amante di musikal lokal lo a apresiá. E presentashon djasabra anochi di ‘Dennis Aalse Big Band’ huntu ku nos artistanan lokal i ku e toke di Jazz den músika kultural a bira algu fabuloso. Artistanan ku a presentá a duna un tremendo presentashon i e públiko a keda enkantá ku e konsierto ku a keda presentá. E di dos edishon di ‘Jazz Meets Cultures’ sin duda tabata un eksitoso. Organisadónan por kuminsá prepará for di awor pa e siguiente edishon i nos ta kombensí ku e evento lo sigui krese. Riba foto algun imágen durante dje ‘Jazz Meets Cultures 2018’.