WILLEMSTAD.- Kòrsou a keda aserká pa partisipá den e kompetensia di modelo maskulino ‘Mister Model International’. E kompetensia aki ta tuma lugá den luna di mart 2018 na Miami kaminda tin mas ku 50 pais partisipando.
Roshan Bernabela, presidente di ‘Mister Model International Curacao’ a tuma e reto aki i bou di su kordinashon ta preparando Jazzley Geene pa e kompetensia aki.
Hayrich Juliana i Ivan de Windt di ‘Crossfit 5 triple 9’ ta esnan enkargá ku e preparashon físiko di Jazzley, miéntras ku Gazini ta e kas di moda ku a sòru pa Jazzley lusi riba e anochi di instalashon.
Kòrsou por ta orguyoso pasombra Jazzley ta un hóben determiná i tin ambishon pa lo máksimo. Pa mas informashon por sigui Jazzley Geene su preparashon i informashonnan riba facebook page: Mister Model International Curaçao.