WILLEMSTAD.- Ayera, 28 di desèmber, den oranan di atardi e futbolista yu di Kòrsou di PSV, di Ulanda, Jetro Willems, a hasi un donashon na VESTA.

Willems, kende tambe ta miembro di selekshon di Ulanda, a regalá VESTA un kantidat di bala komo tambe unifòrm pa training.

Direktiva di VESTA ta masha agradesido ku e materialnan i ta sigurá ku aki ku e ala hubenil lo hasi bon uso di nan.

Jetro a bisa e muchanan di VESTA ku komo yu di Kòrsou semper lo e tin Kòrsou den su mente i lo sigui promové Kòrsou komo un bon yu dje tera aki.