MERKA.- Un show di baile kaminda esnan mas chikí di kas mester a presentá tabata un bon okashon pa reuní henter e famia i asina e intérprete di ‘El anillo pa’ cuando’, Jennifer Lopez a hasi.
Trese huntu na e mesun lugá su pareha aktual, Alex Rodriguez, e yunan di esaki i su eks kasá Marc Anthony huntu ku e par di ohochi ku nan a prokreá den matrimonio.
Djárason último, e yu di JLo, Emme i esnan di Rodriguez, Natasha i Ella, a partisipá den un aktividat di baile kaminda nan a baila riba ritmo di e ‘Diva di Bronx’ ku temanan manera ‘Jenny from the Block’ i ‘On the Floor’.
E eks pelotero dominikano, Alex Rodriguez meskos ku Jennifer a kompartí potrètnan riba nan kuenta di Instagram kaminda nan ta huntu ku e yu di JLo i Marc riba potrèt.
JLo a subi tambe video riba Instagram mustrando su abilidatnan komo estilista na momentu ku e tabata drechando e kabeinan di e muchanan pa e evento.