MERKA.-  Djadumingu último den e ‘after party’ relashoná ku ‘Golden Globes’ e aktris i selebridat Jennifer Lopez a duna un deklarashon na prensa ku a hala masha atenshon.
Den su deklarashon ku a keda transmití e aktris i kantante a indiká ku tabata masha emoshoná pa por a keda nominá pa e galardon pa promé biaha for di 1998.
‘Kosnan a kambia hopi pa loke ta e parti personal i profeshonal’, asina Lopez a bisa tanten ku tabatin e man di su pareha Alex Rodriguez tene. ‘Mi ta hopi felis ku mi famia, mi yunan i mi kasa’, ela sigui bisa.
Ta promé biaha ku JLo, kende na mart 2019 a aseptá e proposishon pa matrimonio di Alex, ta referí na e komo su kasa.
E deklarashon a pone prensa hispano na Merka pa spekulá si Lopez i Rodriguez lo a kasa den sekreto via sivil i ta pendiente pa realisá e kasamentu religioso ku tur e luho manera nan a yega di bisa den pasado.
JLo i A-Rod, ta bibando huntu for di 2 aña pasa huntu ku nan yunan ku ámbos tin di matrimonionan di pasado, den un área eksklusivo di Coral Gables, na Miami.