MIAMI, MERKA.- Jennifer Lopez i su pareha, e eks pelotero di Liga Grandi, Alex Rodriguez a selebrá nan fiesta di kumpleaño adelantá na Miami i e artista a kompartí vários potrèt riba retnan sosial kaminda e ta mustra kon el a disfrutá den kompania di Alex.
E pareha ku tin 4 luna dunando muestra di nan amor den públiko ta hasi aña den mesun siman. E diva di Bronx a nase dia 24 di yüli i e hungadó di beisbòl ta hasi aña riba 27 di yüli. Segun Jennifer Lopez nan a selebrá nan bida.
E aktris i kantante a kumpli 48 aña, 6 aña mas grandi ku su pareha ku mañan lo kumpli 42. E kantante a lusi un trahe transparente ku a eksponé e echo ku e no tabatin ‘lingerie’ bistí.