MERKA.- E kansion bilingual, ‘Dinero’ interpretá pa Jennifer Lopez i Cardi B a keda lansá ayera riba plataformanan digital.
Kompañá pa dj Khaled, e dos artistanan ta interpretá un tema den ku abo ta skucha nan den nan idioma di orígen, spañó, apart di ingles.
Ku e tema aki ámbos artista ku nan presensia intenso riba medionan sosial ta pone huntu nan estilo den un kansion ku tin ingredientenan di hip hop. E tema ta un fushon di Hip Hop i Trap den kua bo por sinti parti dje zonido di merengue.
‘Dinero’ por ser skuchá riba plataformanan digital manera Spotify i YouTube, kaminda ya kaba el a kuminsá haña ‘likes’.