WILLEMSTAD.- Jonathan Schoop a bin bèk di un sekura di tres wega sin hit i ayera a konektá su di dos homerun di temporada den viktoria di 5-2 di Detroit Tigers riba Chicago White Sox. Schoop a start temporada bastante suak na bate i a pasa luna di aprel bou di .200. Ayera ku su di dos homerun el a manda un kareda kas, pero tambe el a kome dos ponche den su kuater turnonan na bate. Awor e tin 5 RBI i un promedio di bateo di .192.

Andrelton Simmons a hasi su reaparishon despues di un ousensia debí na Coronavirus. E tabata sin hit den shete turno riba último dos dianan. Djaluna di 4-0 ku un ponche i ayera di 3-0.

Mas aleu Didi Gregorius di 7-0 den dos partido, ku un kareda empuhá i un ponche.

E arubano Xander Bogaerts di 3-0 ayera, el a risibí un pasashi grátis i a poncha un biaha.

Kenley Jansen a ‘blow’ un posibilidat pa salba wega. Esei tabata djaluna ora ku el a drenta den di ocho. El a duna un base por bola i tuma un homerun ku a permití pa Cincinnati Reds finalmente gana 5-3 di Dodgers. Despues di e homerum, el a duna un base por bola promé ku el a saka e tres outnan pa sera e inning.