WILLEMSTAD.- E ekipo di Jong Holland ta keda na bida klasifikando pa kuart final dje torneo Concacaf Caribbean Clubs Shield 2019. E ekipo di kas ayera nochi si a hunga kabei na djente i a logra loke nan a bin stadion pa hasi, esta gana e wega kontra di Scholars International Spot Club di Cayman Island.

...Momento ku Hugo Acosta Perez ta pasa e bala riba kabes di kiper Carlos Escobar di Scholars International, pa skor e úniko gol dje partido...

Un viktoria di 1-0 ku ta laga Cayman Islands afó, despues ku nan tabata lider di Grupo A ku 4 punto.

Jong Holland a sali for di komienso di wega hambrá riba e bishitantenan i a yega na arko dje kontrinkante na e promé minüt di wega. Despues djei e ekipo di Kòrsou a keda buta preshon riba e defensa di Cayman Island hungando bon kordiná den medio kampo i den atake. Ruensley Leuteria huntu ku Pipo Kroonstadt i tambe Hugo Acosta ku Gersinio Constansia konstantemente tabata haña otro riba tereno i tabata buta e defensa di e ekipo di Scholars International bou di un preshon basta grandi kreando oportunidatnan di gol. Jong Holland por poko ta yega na anotashon na di 24 minüt di wega ora Charles “Chali” Martina kaba un hugada riba gol ku un tiru lastra pero ku ta pasa dal den e palu di gol abou i bai resultá den man di e kiper Carlos Escobar di Scholars International. Asina Jong Holland a sigui persistí te ku nan a bin haña e gol di wega na di 37 minüt ora Hugo Acosta Perez lòp e bala over di e kiper ku a bula i kai abou i un defensa ku a bai para den gol pa e bala pasa bai pega den nèt, pa hasi e wega 1-0.

Cayman Island a bira loko i nan tambe a kuminsá monta atake tras di atake pero sin a logra di anotá. Den e di dos mitar faltando un 12 minüt pa final, e wega a kue un draif emoshonante ku ámbos ekipo poniendo tur ku tin pa hinka gol. Jong Holland a haña su chènsnan pero Scholars International tambe a krea esnan pa buska e empate.

Tabata e kipernan Julian Gaviria di Jong Holland i Carlos Escobar di Scholars International ku a skapa e dos ekiponan di haña gol kontra.

Ku e viktoria aki Jong Holland ta klasifiká komo number 2 den grupo A i lo topa Club Sportif Moulien di Guadaloupe djaweps awor dia 11 pa mitar di 6 den stadion Ergilio Hato. Kisas por bini un kambio ku e wega aki lo hunga mas lat 8 or.

...Akshon dilanti dje gol di Cayman Islands...

...Selebrashon trikolor na momento ku e ekipo di kas a skor e gol ku a resultá esun di viktoria...

Grupo A
H
G
E
P
Gol
Pt.


Cuba (Santiago de Cuba)
3
1
2
0
4-0
5


Korsou (Jong Holland)
3
1
2
0
1-0
5


Cayman Islands (Scholars Intern.)
3
1
1
1
2-1
4


Guyana
3
0
1
2
0-6
1











Grupo B
H
G
E
P
Gol
Pt.


Guadeloupe (Club Sportif Moulien)
2
2
0
0
3-0
6


Barbados (Weymouth Wales)
2
1
0
1
1-1
3


Boneiru (Real Rincon)
2
0
0
2
0-3
0











Grupo C
H
G
E
P
Gol
Pt.


Saint Kitts & Nevis (Rams Village)
2
2
0
0
4-2
6


Antigua & Barbuda (Hoppers)
2
1
0
1
6-4
3


Saint Lucia (Platinum FC)
2
0
0
2
3-7
0











Grupo D
H
G
E
P
Gol
Pt.


Martinique (Club Franciscain)
2
1
1
0
4-2
4


Surnam (Robin Hood)
2
1
0
1
5-4
3


Aruba (Dakota)
2
0
1
1
 2-4
1




















11 aprel








Stadion Ergilio Hato








15:00 Cayman Islands v/s Aruba








17:30 Guadeloupe v/s Korsou








20:00 Cuba v/s Barbados

















Stadion Antoine Maduro








15:00 Saint Lucia v/s Boneiru








17:30 Martinique v/s Antigua & Barbuda







20:00 Saint Kitts & Nevis v/s Surnam