Jose Maria Richard Winklaar

GRADISIMENTU
Kompañera, Yunan, Nietunan, Rumannan i demas famia di

Jose Maria Richard Winklaar
(Miho konosí komo Tuti ex-penshonado di Maduro & Curiel's Bank)

Kier a gradisí tur ku a duna atenshon na ora di morto i entiero di
nos defuntu stimá. Danki na tur ku a manda krans, mensahenan
via medionan sosial i yamadanan di telefòn. Un danki speshal ta
bai na Maduro & Curiel's Bank, Asosashon Penshonado di Banco
Maduro, Wit Gele Kruis, Zuster Maduro, Zuster Antonia, Dòkter Heath i Dòkter Maduro.

Boso atenshon tabata un gran konsuelo pa nos. Alabes nos ta partisipá ku lo tin un (1) Santu Sakrifisio di Misa kual lo tuma lugá AWE Djabierne 5 Mart 2021 pa 7.00 anochi na Misa di Steenrijk. Tur ku ta desea di kompaña nos na e misa, mester registrá na pastori Steenrijk na number 523-7745. Aseptá esaki komo un invitashon personal.