WILLEMSTAD.- Despues di kanselashon djabièrnè último pa motibu di áwaseru, ayera djamars 13 di desèmber a sigui ku e weganan final di tantu vòlibòl komo futsal den ACU Deporte Eskolar. Tabata un atardi ku a konta ku dos bon wega i ku a hala un públiko basta grandi, ku a inkluí direktor i algun miembro mas di personal di Direktiva di Skolnan Públiko kendenan a apoyá nos hóbennan.

E promé wega tabata di vòlibòl, unda ku Juan Pablo Duarte VSBO a gana di SAAN (Amador Nita) 2 – 0, miéntras ku e wega di futsal a terminá 2 – 1 pa St. Paulus College.

Aki e resultadonan final:

Vòlibòl Femenino

Kampion, Kolegio Alejandro Paula; sup kampion, International School of Curaçao, ISC; 3er lugá, Regina Pacis. Skol mas disipliná: St. Jozef VSBO. 

Vòlibòl maskulino

Kampion, Juan Pablo Duarte VSBO; sup kampion, Skol Avansá Amador Nita, SAAN; 3er lugá, St. Jozef VSBO. MVP, Badwin Luis. Skol mas disipliná: International School of Curaçao, ISC

Futsal

Kampion, St. Paulus VSBO; sup kampion, St. Jozef VSBO; 3er lugá, AGO Comanchestraat. MVP, Jo Petronillia. Skol mas disipliná: SHAIH.

FDDK ta felisitá tur e skolnan ku a partisipá na e disiplinanan di futsal i vòlibòl skol avansá den ACU Deporte Eskolar i ta spera di sigui konta ku nan partisipashon. “Ta huntu nos ta deporte i huntu nos ta Kòrsou!”

Pa keda na altura di tur akontesimentu den kuadro di ACU Deporte Eskolar, sigui e página di Facebook, www.facebook.com/DeporteEskolar.