WILLEMSTAD.- Sambil su ‘food court’ tabata kargá ku públiko ku ayera tardi a bai presensiá e elekshon di Reina, Prens i Pancho Hubenil 2018. E públiko super animá na final dje anochi a presensia e koronashon di Judrien Torbed komo Reina di Karnaval Hubenil 2018. Annaice Cristina a keda komo e promé finalista, miéntras ku di dos finalista a resultá Cyiene Plantijn i di tres finalista Sherwinaishely Pieter.
Pa loke ta trata duonan pa Prens i Pancho, e ganadónan a resultá Daychean Hart i Chrysander Leonora. Premio pa promé finalista a bai pa Quyon Zijlstra i D’Shawn Anastacia. Daymison Geertruida i Huberttienson Felis Terrero a resultá e di dos finalista. Raychendel Bruno i Jai-Lan Germain ta e di tres finalista i Railipo Martina i Ramison Martina a bai ke premio pa di kuater finalista. Pabien na tur e hóbennan ku a kai den premiashon. Kòrsou tin su embahadornan pa Karnaval Hubenil 2018.