WILLEMSTAD.- Ayera anochi a tuma lugá e apertura di temporada di Karnaval di Kòrsou. E aña Kòrsou ta selebrando su di 50 aniversario di Karnaval Era Moderno. Ku un jump up ku a kuminsá na Plasa Mundu Merced na Waaigat i ku a rekoré e ruta bieu di Karnaval i bai terminá na Stadion Antoin Maduro, Fundashon JAG a konopá kabuya bieu na kabuya nobo. Ku un bon públiko kantu di kaya pa wak e jump up e evento a terminá ku diskurso i anunsio ofisial di apertura di temporada di Karnaval.