WILLEMSTAD.- Un idea a bira un proyekto ku fin di yüli lo mira lus di dia. Despues ku Juni Juliet a yega na e idea pa kuminsá pone nos baluartenan musikal den spòtlait, el a kuminsá pa aserká Rignald Recordino pa risibí di dje e bendishon pa por traha riba un proyekto kaminda Juni Juliet lo uni ku Mr. Saab, Ompi Stefania i Ñaño Rosario riba tarima. Juni e aña aki a presentá kaba ‘JJ with the Kings’, den e kaso aki ku Rubertico Balentien, Hendrik de Windt i Amos Balentin, awor e ta uni ku tres dje baluartenan musikal di Doble R SSS pa bai presentá loke sigur lo lanta basta espektativa serka e fanátiko dje kantantenan grandi aki di nos farándula lokal. ‘Pa mi ta un honor di por kanta ku mi ‘legends’ di Kòrsou pa loke ta trata farándula lokal di dékada 70 i 80’, asina un Juni Juliet super kontentu. Keda pendiente pa mas informashon riba e presentashon di JJ ku Saab, Ompi i Ñaño.