WILLEMSTAD.- Ayera mainta riba facebook Juni Juliet a publiká foto i tambe un video kaminda e huntu ku Jeon i e produktor musikal, Giendrick ‘T-Drick’ Boekhoudt entre otro ta aparesé den un studio di grabashon. Den un kombersashon kòrtiku ku nos a sostené ku Juni Juliet el a indiká ku e ta na Aruba i ku nan a traha huntu riba e proyekto musikal ‘Bendishon’ ku próksimamente lo ta riba merkado. Juni Juliet tabata masha kontentu i agradesido na e kolaborashon entre e i e popular kantaoutor arubano, Jonathan Thiel, konosí komo Jeon.