WILLEMSTAD.- Nos a drenta e siman ku e kuater leyendanan musikal lo subi tarima huntu pa presentá e proyekto musikal ‘Juni & The Legends’.
Juni Juliet, Mr. Saab, Ompi Stefania i Ñaño Rosario a uni pa forma ‘Juni & The Legends’.
E repertorio lo inkluí kantikanan di Doble R kombiná ku algun kansion di Ompi ku ENOS, par di bolero ku Ñaño i naturalmente algun kansion ku Juni sa presentá. Un medley di tumba lo no por hasi falta, un medley di tumba di Ompi i Mr. Saab.

RIFFORT
Estreno di ‘Juni & The Legends’ lo tuma lugá dia 28 di yüli próksimo na Riffort Village. Lo e ta un presentashon grátis pa pueblo di Kòrsou ku lo kuminsá pa 8’or di anochi i terminá 11’or di anochi. Públiko lo haña e oportunidat pa sera konosí ku e konsepto riba e anochi aki.