WILLEMSTAD.- Despues di un karera musikal di 37 aña, tur komo kantante i miembro di un agrupashon musikal, Junny Martis a tuma desishon pa lansa su mes komo solista.
Su promé piesa promoshonal ‘Me la voy a llevar’ ta un éksito di dékada 90, original di Ramon Orlando.
Huntu ku Albert Windster, Junny ta traha riba e ‘cover’ ku ta konsistí di un ritmo entre Merengue i nos Ritmo Kombiná, aki ta nase ‘Mereng-Riko’.
Ta e intenshon pa sigui produsí i graba mas piesa pa yuda enrikesé i rebibá e variedat musikal di Kòrsou.