WILLEMSTAD.- Djasabra último, 11 di novèmber, fecha ku internashonalmente tin apertura di temporada di Karnaval, Skol Avansa Amador Nita (SAAN) a selebrá nan di dos elekshon di Rei i Reina Tiner.
Seis partisipante a pèrkurá pa fanátikonan yena e sala di skol ku entusiasmo i espíritu Karnavalesko.
E partisipantenan a kompetí pa entre otro ‘Best Show’, ‘Best Costume’, ‘Best Speech’ i tambe pa segundo i promé finalista.
E aña aki SAAN a skohe pa duna un título èkstra di Prens i Prinsesa, e ganadónan di e premio aki lo kompetí pa e elekshon di Rei i Reina di Bándabou.

PREMIASHON
Thychainie Mercelita a resultá e segundo finalista, Xiantha Isidora a bai ku e premio di promé finalista. Prens SAAN a resultá Jacqier Tweeboom i Prinsesa SAAN Quedinee Zimmerman. Rei i Reina SAAN a resultá Junny Pieter i Roxenia Rozal.