WILLEMSTAD.- Ta manera un dje kantantenan a ‘post’ ayera nochi despues dje konsierto, si bo no tabat’ei ba pèrdè.
Un yeno kompleto, públiko sigur a gosa i biba ku kada un dje kantantenan ku a presentá.
Un konsierto riba nivel kaminda e públiko a risibí un bon mensahe di bida i a bai kas hopi bendishoná. Riba retnan sosial por a tuma nota di hopi komentario positivo relashoná ku e konsierto i públiko a pidi un ripitishon.
Meta dje konsierto di ‘Jurgen Lacruz & Friends’ tabata pa rekoudá fondo pa e grupo por kumpra nan pasashi pa nan bai Aruba i duna un konsierto dia 21 di yüli próksimo.
Finalmente Jurgen i su amigunan ta gradisí e públiko ku a presensiá e konsierto.