WILLEMSTAD.- Justin Bieber i Hailey Baldwin a posponé nan fiesta di kasamentu esaki debí na problemanan mental ku e kantante ta pasando aden.
E pareha a kasa den luna di sèptèmber 2018, pero a warda ku e selebrashon. Resientemente Bieber a pone un mensahe riba Instagram kaminda el a hasi konosí ku e ta sinti su mes straño. ‘Mi ta bòns bèk, pues mi no ta preokupá, pero mi tabata ke pa boso hasi un orashon pa mi’, asina e kantante di 25 aña a ekspresá riba Instagram.
Segun e revista People e fiesta lo bini, pero te ainda no tin un fecha plania. E rekuperashon di Bieber ta importante. E kantante ta keda trata pa depreshon.
Den un entrevista luna pasa Bieber a duna di konosé ku den pasado e tabatin problema di depreshon.