MERKA.- Justin Bieber i Selena Gomez a bolbe renobá nan relashon. Djárason último Gomez a bai un wega di hockey ku Bieber na Los Angeles i durante di pousa a duna Bieber un sunchi riba su lepnan.
E sunchi segun e portal di TMZ ta un konfirmashon ku e relashon ta ‘on’ entre Bieber (23) i Gomez (25).
Durante dje último lunanan na vários okashon nan a keda mirá huntu, pero no ku prueba di un amorío.
Pa algun aña nan dos tabatin un relashon ku di un forma abrupto a terminá na 2014. Nan relashon a drecha e aña aki despues ku Gomez a hasi un transplante di nir.