MERKA.- Justin Bieber, Katy Perry, Ed Sheeran i Taylor Swift lo keda registrá ofisialmente den e edishon mas nobo di Guinness Book of Records ku lo aparesé na kuminsamentu di luna di sèptèmber 2018.Ayera a publisista dje buki a publiká diferente dje rèkòrtnan musikal ku tei aparesé den e edishon nobo dje buki.
Bieber a kibra ku e ‘remix’ di Despacito di e kantante Portorikeño, Luis Fonsi, su propio rèkòrt di e kansion ku mas ‘streaming’ den historia. Ku kasi 5 bion ‘streams’ el a stot e kansion dje kantante kanades, ‘Sorry’, for di e promé lugá.
Katy Perry ta aparesé den e buki di rèkòrt komo e promé persona ku a registrá mas ku 100 mion siguidó riba ‘Twitter’. E kantante merikano a logra esaki den luna di yüni 2017.
Ed Sheeran a pone e rèkòrt temporal pa e kansion ku mas a keda di stream riba e plataforma di ‘Spotify’ pa ‘Shame of You’, ku 1.6 bion streams.
E video ku mas a keda mira den lapso di 24 ora ta riba nòmber di Taylor Swift. E videoclip ‘Look what you made me do’ a keda mira, durante 24 ora, den luna di ougùstùs 2017, na mas ku 43 mion oportunidat.
E banda ku mas entrada e aña aki ta riba nòmber di ‘Coldplay’. E banda a risibí na entrada durante di último un total di 76 mion euro.