NAIROBI.- E koredó di máratòn Philemon Kacheran, a keda suspendé pa tres aña ayera despues ku el a tèst positivo pa nivelnan ekseso di testosterone. Asina e unidat di integridat di atletismo(AIU) a bisa. Esaki a hasi ku e atleta keniano ta bira e di 20 un di su pais ku ta keda suspendé e aña aki. Kacheran di 30 aña, kende a terminá na di sinku lugá den máratòn di Berlin na 2021, a keda inisialmente suspendé  na yüli i el a kai for di e selekshon nashonal di Kenia  pa loke ta máratòn pa durante Commonwealth Games na Birmingham. E suspenshon di Kacheran a bin solamente seis luna despues, ku su kompatriota Larence Cherono, e kampeon di máratòn di 2019 na Chicago i Boston. A keda prevení di no kompetí durante kampeonato mundial na Oregon, tambe pa ofensanan di doping. AIU a bisa ku Kacheran  a atmití na e violashonnan aki ku a tuma lugá dor di tèstnan for di kompetensia  na su kas na Kapenguria  na wèst di Kenia na aprel. Echo ku el a atmití, el a risibí e kuater aña standart pero a redusí esaki ku un aña. E suspenshon di Kacheran, ta birando e último saga ku ta dañando e reputashon di atletismo di Kenia. Na 2016 e pais a keda kategorisá komo un ku mester tene na kuenta pa agensia mundial di anti doping(WADA). Na 2022, 20 atleta keniano, di kual mas tantu ta koredónan di máratòn, awor a keda sanshoná.