WILLEMSTAD.- Un kambio chikí a tuma lugá en konekshon ku Apertura di Karnaval di Bándabou i p’esaki e organisashon a saka un komunikado pa anunsiá esaki.
FKBB a analisá henter e situashon mas profundo ku Kuerpo Polisial pa loke ta trata e parti di seguridat teniendo na kuenta e sitio ku nos a skohe pa e apertura di Karnaval di Bándabou.
Mirando e reakshon grandi ku a risibí di parti di pueblo di Kòrsou pa ku e aktividat aki na e momentonan aki ta bira sumamente difísil pa por garantisá e seguridat di un i tur na e sitio kaminda nos kier a hasi e aktividat.
Esei ta pone ku a tuma e desishon komo organisashon responsabel ku ta move for di Playa Kenepa i bai pa Parke Himno i Bandera na Barber kaminda ta bai krea un ambiente p’asina por disfrutá di e gran apertura di Karnaval 2020
E programa lo keda e mesun kos i lo terminá pa 9 or di anochi.
Pueblo di Kòrsou ta Bon Biní djadumingu awor, 12 yanüari for di 12 or di mèrdia na Parke Himno i Bandera na Barber.