WILLEMSTAD.- E aña aki Minister di Kultura, Sra. Marilyn Alcalá-Wallé a tuma e desishon ku Apertura di Karnaval 2018 lo keda selebrá huntu.
Fundashon J.A.G. huntu ku Fundashon Karnaval Banda Bou lo organisá e evento huntu, pa dje forma ei tur dos fundashon saka benefisio for di esaki, pues e apertura ofisial di Karnaval djasabra awor, 6 di yanüari den ‘Carnival Village Curaçao’ lo konta pa tur dos.
Riba e kalènder di FKBB a pone ku apertura lo ta dia 7 di yanüari i ku riba e mesun dia aki lo a skohe Reina, Prens i Pancho brindo, pero esaki lo no tuma lugá. E elekshon di Reina, Prens i Pancho brindo pa Karnaval di Bándabou lo tuma lugá awó, otro siman djasabra dia 13 di yanüari.