WILLEMSTAD.- Asosiashon Gruponan di Karnaval Kòrsou (AGKK) ta partisipá ku pa motibunan imprevisto entrega di premio lo tuma lugá djasabra 11 mart en bes di 4 mart 2017 konforme nos programashon ofisial. Lo anunsiá sitio i orario despues.

AGKK ta manda un gradisimentu di kurason, na kada persona o instansia ku di un forma òf otro a duna su kolaborashon i/o sosten, pa hasi Karnaval 2017 un fiesta grandi i éksito pa pueblo di Kòrsou en general.

Un danki i felisitashon spesial ta bai na tur lider i miembro di grupo pa e tremendo presentashon i dedikashon ku a resultá den e bunita eksposishon di engrandesementu di Karnaval di Kòrsou.